Berah-Berahan Kecundang Di Tangan NAT

Pada 17hb Mei 2009 , kami bertolak mcm biasa ke Pelabuhan Muara , pada masa atu air surut dan inda jua berapa berombak , TAPI air jaranih bana nyamu ... Mula-mula pakai perambut 60lbs tapi inda berapa makan , ada sekali atu pancingku kena game fish tapi sayang putus bh lai.. mungkin pari atau bemasa , mun dh ku kn menarik ditariknya balik , ku lawan lagi tapi berat , udah separuh kn naik dari dasar laut 90 lebih kaki dalamnya , ditariknya lagi apalagi ku main dengan penuh keyakinan tetapi malang menimpa .. putus tia arghhh... bukan aku saja bapa jua kena tarik , ia yg paling awal lah .. udah lama menunggu , yg memakan pancing cuma ikan kecil mcm langisi , kerusi dan Kurapu . Mula-mula bapa menukar perambut dari 60 lbs ke 25 lbs pasal air jaranih bana.. nampak lauk ni nya perambut 60 lbs ani , udah ditukarnya pakai 25 lbs naik terus berah-berahan 4 kg tapi apa g mainnya sampai caik nyamu kulit jari sal tarikannya atu bah , perambut g nipis hantap 25 lbs , pas tu iski kami tukar jua (inda mau alah kunun) Pakai g sotong hidup uleh merambat di depan shell , apa g pakai tia kami jua perambut 25 lbs cuba nasib , BANA eh .. naik eh kami sorang2 berahan , kurapu , ada pancing ku yg lama dh ku nda pakai terus ku pakai , mata kailnya ku ubah pakai yg damit , sekali naik Bekara 4 ekor pakai sotong n basong sisip.. Ngaleh jua main berah-berahan ani pakai perambut damit g .. nasib baik nada yg putus .. biasa perambut sadang mahal hehehe 100 meter $12 (Xoga) Sampai subuh lah dlm kul 1 lalu sal air kn menahan nda g berarus , udah atu kami mulih , Mun kan mau tau dimana ... Takat buat sendiri kawasan Ujung Sapuh Hampir Ariel .. Bearingnya .. adeler....Cari ja pakai Fish finder kawasan ujung sapuh atu , atu pun mun kedapatan jua hehehe ... ok lah kalatz dh mata ku nyamu kan berehat ni merehatkan badan ah sama jari ngaleh nyamu berlawan tenaga sama ikan ani hehehe .. assalamualaikum sampai jumpa lagi episod akan datang ..