Memukat dan Memancing ...

Kami turn macambiasa di pelabuhan , mcm biasa jua kalau air alan kami akan memukat dulu , pukat timbul , pukat kuasi manatau ada rezeki . Sekali labuh alhamdulillah ada jua kuasi atu sama lamading .. Nda payah nganjun lamading bnyk bh dlm pukat .. Lepas atu kami mancing lah selepas memisi pukat .. Memancing arah takat ujung pelumpong tapi air berombak pasal berangin .. Kami mancing kawasan lubuk simpur saja . Naik jua beberahan dan ketambak N yg last naik pari ..

Sudah subuh jam 3 kami cuba saja mancing diluar , alhamdulillah cuaca semakin reda cuma ada alun ja dlm 3 meter nakkk .. Mauk perahu bahhh .. Kami cuba takat ehem .. Ada jua mambangan atu sana .. Stay sana saja kami , ngam jua ada makan ikan atu .. Sudah pagi jam 6 lalu balik tah kami ...


h a

Mengail di Lubuk Simpur

Pada malam atu kami ngail mcm biasa tapiiii berangin nak .. di Lubuk Simpur saja kami ngail makan jua lah beberahan damit (Ketambak) , pari sama kurapu ,sembilang dan yg hebat naik pari sama anaknya ..hehe ngalih jua menunggu ia makan ah , biasa memajal bh .. hehe btw siok jua lah lepas gian ...

Takat UP

Inda banyak uleh malam atu sebab ribut di takat , mengail kawasan lubuk simpur saja kami , disana ku menaikkan pari dengan menggunakan joran biasa tangsi 40lbs .. C jua joran ku ulehnya hehe .. dengan menggunaan umpan hidup dan uleh ku saja malam atu beberahan jua ada jua dlm 1.9kg ..

Takat Ungah Garden Baru di Sawar Panjang 2nd Trip

Ani trip mengail kedua dimalam ke Takat Ungah Garden Baru di Sawar Panjang , Kami bercadang kan mengail ungah tetapi alangkah sayangnya sotong hidup nda ada sebab hari hujan , Kami pun memakai udang hidup yg bagak2 , kami pun seterusnya mengail beberahan , first strike uncle fendi dengan ikan kurapu , Lepas atu kami semua ampit menaikkan beberahan , aku saja 4 ekor , lawa g mukanya hensem nya ong putih .. Lepas atu aku menaikkan anak bemasa dan seterusnya pari negro .. Sudah habis umpan , kami pun balik ke penurunan perahu muara . Tips : Kalau kn mengail di waktu malam , biar tia udang bagak $1x6 , nampak ia dari jauh sama basar nafsunya kn makan ... hehehe

Takat Ungah Garden Baru di Sawar Panjang

Pari 18kg dinaikkan oleh g-ham menggunakan kerikan tangsi 80lbs dan perambut 60lbs(Lemax steel yg berjual segulung 50 meter khas untuk perambut) mata kail VMC bulat steel no.3/0 . Masa menaikkan ada jua 30min , ngaleh jua melayan kedia tapi bebaloi naik jua ke perahu dengan pertolongan Uncle Fendi mengait pari ani .

Dua ekor pari ani uleh g-ham , seekor atu 8kg pun ngeleh jua menaikkan kedia sal ia bawa merakat dlm masa seminit , (Mun merakat ke tanah tarik ja kekiri kekanan , biar ada ruang air masuk kebadannya dibawah atu meluah tah ia tu ) ani sendiri plg mencuba sekali mau jua hehe . Umpan dua2 ekor ani basong sisip . Mesti basong fresh mun nda fresh menjaling tu pari ah ..:P

Ada nampak bemasa atu kah luan damit bh malu2 siring pari ia bertapuk .. inda besar berat 2 kg saja , gham jua menaikkan , hang ia bh malam atu .. semua bagak2 ulehnya .. Gerenti bajunya atu hang sal batah ia nda pakai .. baru tah lauk di laut kenalkn ia .. Atu bemasa atu lagi cali .. aku atu kn menaikkan kailnya kn check umpan sekali udah separuh air ada tia menyambar , kuat g tu , ku fikir sekawan atu kn minta tax mata kail , tapi inda jua .. bh lauk bagus ni , udah diatas kn menaikkan ke perahu ngaleh ku dah nyamu , jari g sakit . inda mau2 terpaksa tahan sakit terus tah ku menaikkan, p yg cutenya (selahau) ada jua siut di sebelahku .. kacau eh nda g ingat , inda jua sait jariku hehehe

Ungah yang dicari2 selama ini .. payah ni ungah ah memilih umpan , terpaksa merambat dulu sotong fresh , tapi udah ia dapat fresh dipotong lagi , belah dua .. Sudah cuba sotong dipasar nda ia mau , tution dh ikan ungah ani .. tapi bila lambat menarik bawanya menyangkut , menaikkan ia ani nda batah ni inda sampai 2 min , Nda caya ? Cubatah pakai perambut sama tangs tagap , inda batah tu .confident mau tau .. Kesemuanya 11 ekor ungah dinaikkan oleh Bapa , Uncle Fendi dan g-ham . Beberahan 5 ekor menggunakan Udang hidup , mun nda hidup dijalingnya tu , manis kali ah ikan beberahan menjaling ani haha

Inilah hasil Night Anglers Team pada malam jumaat dimalam , Semuanya belurih , nda menghampakan , ada kemungkinan Joran dan spool yg di kail oleh Uncle Fendi atu heng .. Adakah patut yg dikail ikan tetapi yg dapat joran complete with spool mcm berjual di Deep Blue .. Offer joran sama spool , di laut ada jua kali ah Offer mcm atu , Gnya lupa digambar , yg bagus masih dapat digunakan spoolnya ah , mau service saja ,, Shakespears kali ah jenamanya (luruskah ejaannya) hehe .. Untuk semua pemancing tips banyaklah bawa bersabar . Bah kamu bila g ..

Memancing di Takat ID

Alhamdulillah air begitu tenang pada malam atu , air bergerak pelahan saja tapiii ujan barai2 buii

Palapahan berat 4kg ke 1.7kg

Ikan Uji Rashid yang dicari2 , mun kn mau tau iatah udah ni

gham bergambar bersama ikan2 yang dipancing di Takat ID

Ikan Beberahan Mengamuk Time Sungkai

Ikan sapah ..
Ikan beberahan yang mengamuk time sungkai ni , tu nah yg besar2 ah .. mau jua ia makan .. puasa x bah ikannya ani .. Yg paling berat 3kg dua ekor , yg lainnya 2.2kg , 1.9kg , 1.5kg , 1.2kg dan 1kg.

Ikan pari tompok biru ani dinaikkan sama2 timenya .. adik beradik kali bh kn membeli badil sekali teliat umpan dimakannya dulu sekali nah naik ke alam darat tia plg hahaha dan kurapu inda besar lah cuma 800gram dan 500 gram , Pari tompok hijau ani (dewa-dewa) beratnya 2kg sama rata dengan kembarnya ah ..


Inda plg banyak hasil malam atu salnya berombak bah ..

Al-Kisah , kami turun akhir sikit jam 6 sampai di worldwide , sekali terus menuju ke Pancang hijau ujung sekali arah takat pancang rabah pastu terus baduk ..duk duk duk .. apa g minum dulu seteguk air RootsBeer Dads pastu turunkan pancing .. Kami pakai umpan hidup $1x6 dan aku pakai perambut 30lbs lemax panjang 3 dapa dari sandakau. Selesai ja menurunkan kail masing2 , kami pun makan , Mula2 pancing ku kena makan , baru jua sekali suap , berputar2 kerikan ku ditariknya mcm roda impian ..pusing halim .. haha apa g main lah dengan penuh tenaga ... akhirnya tumpas juga beberahan seberat 3 kg , dan seterusnya bapa dan uncle fendi inda jua nyaman sungkai , manakan kena tarik saja bh , tapi reda dalam 30 minit ntah kenapa , Selesai ja ku makan nasi Ayam penyet Nyum nyum kena tarik g kerikan ku p sekajap saja nda sampai 10sec , sekajap jua tu , sekali ku naikkan tah pancingku manatau nada umpan , sekali naik bukan g umpan nada , mata kail pun nada . nah patuttah nada beberahan atu g rupanya ada sekawan atu .. Ada kastam bh kn mau minta bayar tax dibawah ah (Lingkuh) .. Udah semakin akhir dalam jam 9 kami pun beredar dari sana sal angin begitu kencang sehingga asap rokokku ditiup angin .. sejuknyaaa ... kami beredar ke kawasan dalam depan shell arah takat raba .. DIsana menaikkan pari 2 ekor , kurapu dan sapah .. Udah makin akhir makin g kuat angin , apa g balik lah apa g kn ditunggu .. Hari lain ada g masa memancing nda ja .. Jangan jadi pemajal ani hahaha ... Bh next time g ku bercerita , lalah ku nyamu ..bye salam

Fishing trip to Jerudong Offshore

Not Much yg kami dapat , angin nda menantu bh , mertua saja eh apakan ..haha masih ayung bh rasanya dari laut ani .. Angin berubah2 , berombak lagi pada awalnya dari paras 1meter k 2 meter setengah eseh mcm warta berita eh .. Kami turun jam 4.30 n sampai ke penurunan perahu dlm jam 5 lah .. bth menunggu tempat penurunan atu clear sal ada urg jua kn menaikkan dan menurunkan perahu .. bersabar di bulan puasa .. Dari penurunan ke tempat lokasi kami ada jua dlm 15batu .. Berombak lagi iatah sudah sampai ke tempat target .. turunkan sauh n turunkan kail masing2 .. n then nda lama atu dlm 5 min .. Dukkk dukkk dukkk beduk dh berbunyi , Kami pun makan nasi ayam penyet Uncle fendi beli ..n minuman ku A&W root beer my fav ,, atuya buka puasa minum bergas hahaha ..BIasa udah nyamu ...

Ikan Ikan yang dapat naik ialah Ikan Pisang Tanda , Langisi , Anduping Gincu , Anduping putih , Pari pasir , Pisang-pisang panjang , Ungah , Ikan pagar dan Lapih ..

Umpan kami hanya memakai basong sisip yg fresh .. Kami balik dlm jam 2.40am dan sampai ke penurunan dlm 3.30 n sampai g rumah dlm jam 4am terus sahur ... Ok lah ngaleh ku dh , sampai jumpa lagi di episod seterusnya Memancing di Bulan Ramadhan ... The End

Malam Melihat Anak Bulan 20.08.09

Pari 12.2kg Tumpas oleh Uncle Fendi dengan perambut tioman 60lbs Umpan udang hidup mentiri.. (Kesian uncle habis bencol kakinya terkena kerikan kayu)

Ini adalah hasil semalaman di perairan brunei .. Ikan beberahan 2.5kg kebawah , Kerapu 5kg kebawah , anduping , pari rintik biru 4kg dan Pari rintik emas 12.5kg , Langisi , Ketambak , Mambangan dan Sapah semuanya Tempat lokasi yang sama Takat N.A.T

Keberatan usulnya mengangkat ..

Ani beberahan uleh c awang arif .. walaupun tidur saja tetapi belurih jua ia ..

Ini adalah bukti yang mengatakan berat pari rintik emas dibawa belayar , Kesian belingkok dh badannya kena masuk dalam cool box ... kesempitan bh .

05hb Mei 2009 .. Hasil Takat Pelumpong ...

Takat N.A.T baru

Mcm2 ada ... Ketumbang , Berah-Berahan , Lausu , Bebatik , Alu-Alu , Langisi , dan yang special ikan Ketumbang ... and species Ikan lain yang kami dapati di Takat N.A.T baru kawasan Perairan Brunei Muara .. Tempat dan Lokasi boarlah Rahsia ... hehehe jgn marah..

Nice Species ...

Besarnyeeeee..

Pariku

Berapa KG nah ? hahaha 8 kg ni kali ah ... Ngaleh ku ngangkat ....

Pari 7kg sama 5Kg

25 Kg Pari